Năm 2023, Công ty điện lực Đắk Lắk geh pă an bơi tât 288 rmen prăk nău nchrăp prăk ntuh kơl rdâk njêng tơm. Công ty lĕ pă ntuh kơl an ăp nău nchrăp ƀư điện 110kV rlău 14 rmen prăk, điện trung hạ thế rlău 223 rmen prăk, n’hanh nău nchrăp kan êng klâp ma 50 rmen prăk. Tât aƀaơ, công ty lĕ geh trok nău nchrăp ƀư lôch 14 nău kan, lĕ rnoh khlăy rlău 52,2 rmen prăk, mpêt nkrem geh rlău 19 rmen prăk đah nău nchrăp bôk năp.

Gay ma dơi geh nkô̆ mpŏng trok prăk rlău 95% nău nchrăp prăk kan bâh năm, aƀaơ ăp ntŭk kan dôl ngăch ndăn mbơh tơih âk trong kan gay ma ntrôl nău kan an ngăch, rvăt năp tŏng rnoh ndơ lĕ geh mbơh ntrŭp dăn ƀư. Tâm nĕ, rnâng kan mât uănh nău kan ƀư tơm tâm rgop đah ăp nuĭh ntuh kơl, nuĭh leo kan, ntŭk kan mât uănh. Ăp ntŭk kan êng leo kan mbơh nar nsât điện gay ma drăng ntrŭp rse điện , mbơh nău ngăch doh jăng ăp ntŭk kŏ văk gay ma ƀư lôch ăp nău kan tĭng di nău nchrăp n’hanh mât đăp mpăn ueh di. Nău rgum ƀư lôch ăp nău ntuh kơl mbra ntop rgâl mhe, n’hao nău ueh điện pă an năch ta ăp nkual tâm n’gor Dak Lak.