UBND n’gor Dak Lak đă nau dăp rgum ntrong kan ntĭm nti ri ân geh rƀŏng tât huch nklăp 50% bôk ƀoi mpeh ăp ngih săm ƀŭt, prêh rlau rnoh geh bah Trung ương ntrŭnh. Aơ lah nkô̆ nau geh lah rjăp tâm rơh rƀŭn đah ăp n’gâng kan, ntŭk kan ndrel 102 xã, phường mpeh nau kan dăp rgum ngih săm ƀŭt, rnôk Dak Lak lah 1 tâm 15 n’gor geh Trung ương săch rlong ƀư. Rnôk aơ, lam n’gor geh 1.238 ngih săm ƀŭt ngih dak. Nau kan bah ăp n’gor đă huch 462 ngih săm ƀŭt, tâm rnôk n’gâng kan ntĭm nti đă ân geh huch jur 690 ngih săm ƀŭt, nkre lah ndâk nkra tay âk ngih săm ƀŭt âk gưl. Groi Kruanh UBND n’gor Dak Lak Nguyễn Thiên Văn đă, nau kan dăp rgum ân geh dơi ƀư khoa học, tâm di ma nau geh dơi bah ăp n’gor; knŭng huch bôk ƀoi mât kan, mô dơi rgâl ntŭk ntu ntĭm nti bah kon se./.

UBND n’gor Khánh Hòa mhe tâm ban ŭch trong ƀư dăp trong ƀư bah dâng ntĭm nti ngih dak, nchrăp an năm nti mhe 2026-2027. Tĭng dự thảo, lam n’gor mbra n’hŭch 248 ngih sămƀŭt ngih dak, tâm ban 34% rnoh ntŭk geh aƀaơ, tâm di nău ŭch n’hŭch đêt ngăn 30% tĭng ntĭm rđău bah Chính phủ. Aƀaơ Khánh Hòa geh 728 ntŭk ntim nti ngih dak đah rlău 26.500 cán bộ mât uănh, nai n’hanh nuĭh pah kan. Jêh dăp, ăp ntŭk ngih samƀŭt n’hanh phân hiệu hôm mât nău kan ntĭm nti, tŏng ăp ndoh ndơ rhŏ an kon hŏk; êng ăp ngih samƀŭt nội trú n’hanh ngih samƀŭt chuyên mô hŏ ƀư tĭng dăp tay. Đah cán bộ mât uănh rmeh, n’gor mbra uănh mĭn tay tâm pă an ăp ntŭk kan tâm di mô lah pă tay ntĭm nti; ăp nuĭh ŭch geh êng mbra dơi mkra rlu tĭng nău ntrŭnh.