Tâm Ngih kan Quốc hội, Kruanh Quốc hội Trần Thanh Mẫn mhe ƀư tơm nar rƀŭn đah rnâng kan Đảng uỷ Quốc hội ndrel Rnâng kan Thành uỷ nkuăl ƀon têh Hồ Chí Minh mpeh Nau nchrăp Luật hun hao đô thị. Kruanh Quốc hội lah rjăp, aơ lah luật geh nau khlay, nkah nhoat rgâl ntơm nau mât đô thị ueh mhe, ntrơn tă bah nau rlong ƀư jêng nau kan pháp lý đăp mpăn, jŏ jong. Nau nchrăp luật tâm dăch nau ntrŭnh têh bah Bộ Chính trị, Kruanh Quốc hội đă nkuăl ƀon têh Hồ Chí Minh ƀư jêh trong kan mât đô thị, pă gưl kan, nau dơi kan tâm ntŭk geh nsum ma pă nau dơi ndrel nau ntrŭnh n’hêl mpeh nau dăng dơi kan.

Êp nê, Nkuăl ƀon têh ân geh uănh khlay hun hao ntŭk ntu kơt lah ntrơn rgâl mrô, ntŭk kan tơm ntrơn rgâl mhe, koh n’huch nau kan ntuh kơl ndrel rklaih gay ma der nau rkăng đah ăp luật mhe. Kruanh Quốc hội mbơh, nau nchrăp Luật nchrăp mra mbơh Quốc hội uănh, nchră tâm rơh rƀŭn mhe êng dăch tât./.