Uănh lah prêh nău nchrăp n’hanh nsrôih bah ăp rmôt tahen, công an ndrel n’gâng kan ƀon lan ta ntŭk tâm nău trơn đăp mpăn bơi 1.700 nuĭh ƀon lan luh nkual klach, Groi Thủ tướng đă ăp ntŭk kan tĭng tay ta ntŭk, nsrôih mô an kônh wa plơ̆ sĭt tay ntŭk mô lap rnôk mô hŏ đăp mpăn.

Đah trong ndâk ƀư tay jŏ jong, n’gor Lai Châu dăn đă Trung ương uănh mĭn tay ntop kơl prăk trơn ndal nklăp 200 rnăk luh nkual klach pĭch rlâm âk.. Bah meng tơm prăk ntop kơl bah Ngih dak, Groi Thủ tướng đă Ủy ban Trung ương MTTQ Việt Nam ndrel ăp rmôt kan nsum mpôl nsrôih kuăl jă tơm prăk kon nuĭh tâm rgop; ndăn nkra tay ăp ndơ dŏng, kơl nuĭh ƀon lan nkual dak lip Mường Than ơm đăp mpăn nău rêh.