Lah na nê̆ nău tâm boh kan đah 2 dak hôm nha geh âk nău dơi n’hanh nău nkhêp kan têh gay ma pơk hvi nău tâm boh kan na nê̆, săk rnglăy tay lơn, Thủ tướng Lê Minh Hưng đă 2 ding an tâm rgop na nê̆ gay ma n’hao nău tâm boh kan tâm let năp atay. Nău kan tơm khlăy lah n’hao nău tâm mbơh kan gưl têh, an lor gay ma ntrôl ăp rơh tât khâl bâh nuĭh leo kan gưl têh, đă mpeh đah Canada an geh pơk hvi tay ntŭk tăch rgâl drăp ndơ Việt Nam, ngăn lah nău kan tăm si tui ka. Nkre lah, ntrŭt đă doanh nghiệp Canada ntrôl dăng ntuh kơl ta ăp nău kan tơm khlăy mpeh ŭnh nar, nău waưng sa ueh nđir n’hanh nău wăng sa tâm pleh. Mpeh đah nơm, Thủ tướng Canada Mark Carney lah na nê̆ Việt Nam lah dak kan ndrel tơm khlăy ta nkual ASEAN n’hanh Ấn Độ Dương-Thái Bình Dương. Bar dak an geh mbơh nkoch âk nău dơi nsum ta ăp ntŭk kan geh knơm chính trị, tăch rgâl, ntuh kơl pơk hvi n’hanh tâm nđur ƀon lan, mpeh đah Canada tâm ton ndrel đah Việt Nam ntrôl nău tâm kơl kan ăp nar lơ ma hun hao.