Ôi 21/7, ta Hà Nội, Ủy ban Mặt trận Tổ quốc Việt Nam nkual ƀon têh Hà Nội ƀư mâp măt, nkah gĭt tahen ơm, tahen sôt rmanh ntoh lư n’hanh nuĭh geh nău rêh dŭt jêr jŏt di nkah gĭt 79 năm Nar Tahen sôt ramnh-Tahen khĭt kăl e (27/7). Râng nar ƀư geh Groi Bí thư Thành ủy Hà Nội Nguyễn Văn Phong ndrel ăp Mê̆ Việt Nam Janh dăng n’hanh 130 tahen sôt rmanh tahen ơm ntoh lư.

Lah ntŭk geh rnoh âk rnăk dơi kơl âk ngăn lam dak đah rlău 800.000 nuĭh, Hà Nội, uănh trong kan “Rsơl plơng” lah nău kan chính trị khlay n’hanh lĕ nău kan khlay. Năm 2025, Nkual ƀon têh lĕ rgŏ jă Prăk nkrem “Rsơl plơng” geh rlău 26 rmen prăk, an hăng rhiăng nklâm ndơ, nkra âk ndơ dŏng nchih săk soan n’hanh ntop kơl nkra jay gŭ an ăp nuĭh dơi kơl. Rơh aơ nkah gĭt, kruanh Nkual ƀon têh ƀư chop khâl, an ndơ rlău 114.500 nklâm ndơ đah dĭng lĕ prăk rlău 273 rmen prăk, ƀư nkah gĭt đah ăp nuĭh geh soan đah cách mạng.