Wa Nguyễn Hoài Anh deh năm 1977, geh rlău 26 năm pah kan, tă ƀư âk ntŭk gŭ kruanh rđău kan ta Bình Thuận, Lâm Đồng n’hanh ntơm bah khay 9/2025 tât aƀaơ lah Kruanh UBND n’gor Thanh Hóa.

Lah ta rnôk jao nău kan, Thủ tướng dăn đă Bộ Dân tộc n’hanh Tôn giáo rgum nsŏng kơl lôch jêh trong tĭng, trong kơl; dăp rgum nuĭh kan tâm di n’gâng kan bar gưl; an ƀư geh nău tam Bôk nău kan gưl neh dak lvang năm 2026-2030; đăp mpăn nău dơi chroh rƀŭn; rdâk tay tâm rnglăp lam rnoi nuĭh, mât nâp đăp mpăn nkual rnoi mpôl đê̆ n’hanh chroh rƀŭn, nkre ơm rgum n’glăp nău lư mpeh rnoi nuĭh, chroh rƀŭn lăp dơn ngoăy.