Lơ 22/7, ta ngih kan Quốc hội, Kruanh Quốc hội Trần Thanh Mẫn hŏ vơt wa Hagiuda Koichi, Tổng thư ký Đảng Dân chủ Tự do Nhật Bản (LDP) di rnôk hăn khâl, pah kan ta Việt Nam. Kruanh Quốc hội lah rjăp, Việt Nam mro uănh khlay Nhật Bản lah dak kan nsum khay bôk năp, jŏ jong ndrel nsôih ƀư ueh ngăn tâm nau kan kơl an nau kan bah LDP. Nkre lah, ŭch bar ding lŏ tâm rgop rjăp ƀư jru lơn tay nau tâm boh kan nsum ăp ntil, ƀư ngăn ăp nau nchrăp gưl prêh ntơm bah rơh khâl Việt Nam bah Thủ tướng Takaichi Sanae (5/2026).

Quốc hội Việt Nam ton mra njêng jêng trong kan pháp lý nơih ueh gay ntrŭnh ƀư ân săk tam ăp nau nchrăp aơ. Kruanh Quốc hội Trần Thanh Mẫn đă Đảng LDP kơl an ƀư ăp nau kan rgum Lễ hội Việt Nam-Nhật Bản tâm lĕ bar dak, kŏ kơt lah ăp nau kan tâm nchră nthoi tâm n’gor Việt Nam-Nhật Bản tal bar ta Huế tâm khay 9/2026 ndrel nau kan tâm n’ur nau ơm yau Việt Nam-Nhật Bản tâm dŭt khay 9 năm 2026 ta Cần Thơ./.