Aơ lah nău mbơh dơi kruanh n’gor Dak Lak nkoch ta nar pah kan đah Đại sứ quán Việt Nam ta Nhật Bản. Jêh rnôk nglăp nsum đah Phú Yên, n’gor Dak Lak mhe geh rnoh neh rlău 18.000km2, rnoh nuĭh ƀon lan rlău 3,3 rkeh nuĭh, jêng ntŭk ntô hun hao geh n’ăp bri krŏng yôk têh n’hanh duyên hải. Mpeh bah lơ geh âk đah cà phê n’hanh ăp ndơ lŏ mir kơt tiêu, sầu riêng, cao su, mắc ca; mpeh bah lơ luh nar geh dak lêng, ndrâm dak lêng, tui ka, ndrel geh đah pâl nđaih, wăng sa dak lêng n’hanh logistics.

Aƀaơ Dak Lak geh 7 nău nchrăp ƀư ntuh kơl na nê̆ bah Nhật Bản đah dĭng lĕ prăk dăn ƀư bơi 30 rkeh đôlar. N’gor mĭn lah năm tât mbra n’hao rnoh geh n’hanh ueh nâp ăp nău nchrăp ƀư bah Nhật Bản, kơl lor ăp nău nchrăp ƀư geh công nghệ, jêng ndơ hao khlay n’hanh geh nău tâm rgop đah doanh nghiệp, nuĭh ƀon lan ta ntŭk. Đại sứ quán Việt Nam ta Nhật lĕ ntop kơl boăt nthoi Mpôl pah kan Dak Lak đah Rmôt kan ntrŭt ngăch tăch rgâl Nhật Bản (JETRO) n’hanh Ntŭk kan ASEAN-Nhật Bản gay mĭn joi nău ŭch kan ndrel, nkoch mbơh nău geh n’hanh pơk hvi tâm boh đah ăp nuĭh kan ndrel Nhật Bản.