Ôi 19/2, HĐND n’gor Dak Lak ƀư rơh hop way nkô̆ tâl 17, uănh an dŏng ăp nghị quyết mpeh dăp rgum, glêh tam nuĭh kan. Tĭng nê, du đêt đơn vị mbra dŭt bah nău kan, 6 sở mhe njêng mbra lăp kan ngăn ntơm bah 1/3 bơi tât. HĐND n’gor Dak Lak hŏ uănh an dŏng Nghị quyết mpeh nău njêng mhe 6 sở lah: Sở Nội vụ, Sở Tài chính, Sở Nông nghiệp n’hanh Môi trường, Sở Xây dựng, Sở Khoa học n’hanh Công nghệ, Sở Dân tộc n’hanh Tôn giáo, nkre dŭt jêh nău kan bah Sở Ngoại vụ.

Lôch dăp rgum, n’gor Dak Lak geh 13 nhih pah kan chuyên môn mpeh UBND n’gor. HĐND n’gor Dak Lak uănh  an dŏng Nghị quyết dŭt jêh nău kan Ban Dân tộc (bah HĐND n’gor). Lôch dăp rgum, HĐND n’gor Dak Lak geh 3 Ban, lah: Ban Kinh tế -Ngân sách; Ban Pháp chế; Ban Văn hoá -Xã hội. Ta rơh hop dja đŏng, HĐND n’gor Dak Lak hŏ uănh an dŏng Nghị quyết rgâl di, kơi ntop du đêt rnoh tât kan, nău dơn kan hun hao wăng sa – rêh jêng kon nuĭh năm 2025 đah nău ŭch tât hun hao 8% let lơ.