Đah nau rđau kan ndrel lăp kan ngăn bah ăp gưl n’gâng kan, nau kan rgâl mhe hành chính ta Dak Lak hŏ geh dơi ăp nau rgâl ueh. Ngăn lah, tâm 9 khay bah năm 2023, nau ndơn, rklaih săm ƀŭt hành chính tâm nau mât nau kan bah n’gor Dak Lak hŏ geh ƀư ueh, n’huch rnoh ƀư mbrơi. Mpeh nau ndâk ndrel hun hao n’gâng kan điện tử, n’gâng kan mrô, ăp ntrong kan mbơh nau dŏng nsum geh ntơm jêng hŏ geh đăp mpăn.

Ntrong kan iGate hŏ rklaih 694.611 hồ sơ tĭng trong kan Du mpông điện tử n’ho ro, rnoh rklaih nau kan tâm di nar 98,23%. Tâm rnôk rƀŭn nchră lôch nau kan rgâl mhe hành chính 9 khay năm 2023 ƀư ôi 18/10, wa Nguyễn Tuấn Hà, Groi Kruanh Rnâng kan UBND n’gor Dak Lak, đă ăp nkuăl nchră ân ngăn n’hêl ndrel joi luh nkô̆ nau ngăn mhâm ƀư du đê̆ nau kan, nau dơi geh mô lah roh điểm gay tă bah nê leo luh ăp nau kan gay đăp mpăn năm 2023 n’gor mra geh hao tay gưl dăp rgum mpeh ăp rnoh mrô rgâl mhe văng sa./.