Lơ 10/3, n’gor Dak Lak ntơm ƀư Lễ hội Cà phê Buôn Ma Thuột tal 9, ndrel ƀư nkah 50 năm nar rklaih Buôn Ma Thột, 50 năm tâm lơh bah Tây Nguyên, pơk trong ân nau tâm lơh Hồ Chí Minh, rklaih đăp mpăn miền Nam, đăp mpăn neh dak. 50 năm jêh nar rklaih đăp mpăn, ntơm du nkuăl têh tâm lơh, jêh 50 năm Buôn Ma Thuột, n’gor Dak Lak hŏ hao jêng nkuăl tăm cà phê âk ngăn bah Việt Nam, khuh n’gor nteh chĭng gong vơt năch tât râng Lễ hội Cà phê. Aơ kŏ lah ntŭk tơm văng sa, khoa học kỹ thuật tuch tăm bah Tây Nguyên, 50 năm bah năp, nau tâm lơh rkaih Buôn Ma Thuột lah nau ntơm ndâk ân nau dơi,

Ri Buôn Ma Thuột ueh nar aơ lah nau tă geh dơi bah nau đăp mpăn, nâp nâl. Ntơm bah aơ, nkuăl ƀon têh ntơm nau kan mhe, ntrong hun hao ndrel tâm rnglăp, jêng ntŭk tât bah cà phê lam ntur neh.

            Bah năp nê, Mpla n’hơ rup âk ntil màu rgum ƀư tâm nkuăl ƀon têh Buôn Ma Thuột, ndrel nau khuh răm bah nau kan tâm rnôk ƀư Lễ hội cà phê tal 9 dôl geh tâm Dak Lak. Geh ntơm aơ tat lôch 15/3 tât, mpa n’hơ “Nau ueh bah bah nau rgum” ƀư tâm hoa viên nkuăl ƀon têh Buôn Ma Thuột, tâm trong hăn tât nau kan ƀư Lễ hội cà phê.

Mpla 150 rup ueh bah ăp nŭih nklih bah 5 n’gor Dak Lak, Dak Nông, Gia Lai, Hải Dương ndrel Phú Yên. Ăp rup ntoh ăp ntŭk ueh, ntoh lư, nau ơm yan ueh bah ăp nkual neh. Aơ lah nau kan khlay di rhơn 50 năm tâm lơh bah Buôn Ma Thuột, rklaih đăp mpăn n’gor Dak Lak, rgop tay nau kan ueh tâm rnôk ƀư Lễ hội cà phê Buôn Ma Thuột tal 9 năm 2025./.