Dơn nău jă bah Tổng thống LB Nga Vladimir Putin, Tổng Bí thư Tô Lâm n’hanh I ur ndrel mpôl ntơh măt gưl têh Việt Nam khâl ngăn LB Nga ntơm bah nar 8 tât nar 11/5 n’hanh râng Lễ nkah ndray 80 năm Nar lơh dơi tâm rơh tâm lơh mât njrăng neh dak têh dăng (9/5). 

Hăn khâl ngăn Liên bang Nga bah Tổng Bí thư Tô Lâm n’hanh I ur mbra rgop n’hao dăng chính trị bar dak, rdâk tay tâm boh tâm rnglăp way ơm, tâm boh tâm brê lam lĕ rngôch đah Nga, pơk hvi trong tâm boh bar ding tâm ăp trong kan way ơm, ntrŭt ntrôl tâm boh tâm ăp trong kan mhe săk geh âk kơt ŭnh nar sĭt jêng tay, công nghệ mhe, trí tuệ nhân tạo, khoa học tơm, dak si sinh học. Tâm let năp tay, bar ding ân n’hao dăng lơn đŏng tâm boh tâm trong kan ntĭm nti. Gŭ mĭn gay ndăn dŏng ăp trong tĭng aƀaơ, ăp nklâm học bổng ma mpeh Nga kơl an Việt Nam gay ntĭm nti ăp tơm nuĭh kan săk blău âk ma neh dak he ŭch geh ngăn an rdâk njêng neh dak.