Ta nhih  pah kan Chính phủ, Thủ tướng Phạm Minh Chính ƀư tơm rơh hop bah Rnâng kan Chính phủ đah ăp n’gâng kan, ăp nhih pah kan geh tât mpeh nău nchrăp tâm nchră tăch rgâl đah Hoa Kỳ. Lôch tăng nău mbơh bah Bộ Công Thương, nău rgop bah nuĭh ntơh măt ăp n’gâng kan, ăp nhih pah kan, lah n’glôch jêh tâm nchră, Thủ tướng Phạm Minh Chính an lah tât rnôk dja, mpeh Hoa Kỳ hŏ n’gluh nar tâm nchră na nê̆, an saơ nău mpơl uĕh lŏng, tĭng nău tâm ton tâm rnôk mâp gưl têh n’hanh ăp rơh pah kan, rơh mâp bah kơi nê đah bar ding.

Thủ tướng rđău đă, tâm rnôk tâm nchră ân nsing tâm nô nău tât na nê̆ gay rgâl di trong tor lor tâm di an lĕ 2 ding. Thủ tướng rđău đă nchrăp ăp dăp nkô̆ tâm nchră; nsing tâm nău ŭch geh bah Việt Nam n’hanh nău dăn đă bah Hoa Kỳ, nsing tâm nău lôch jêh gŭ mĭn, ăp nkô̆ nău na nê̆ bah Việt Nam n’hanh  đăp mpăn nău ton dak bah dih gay n’gluh trong tâm nchră tâm di, mpơl nuih n’hâm rdâk njêng, mpơl nuih n’hâm uĕh n’hanh lơn lah nău tâm boh lhăt, nsing ta nuih n’hâm dêh bên yơn kloh rvah, nău mĭn sŏng di ngăn.