Kêng măng 5/10, UBND n’gor Dak Lak ƀư rgum nchră Ntop kơl doanh nghiệp nchrăp an tâm di, rdâk nkra n’hanh hun hao nâp nâl ta lam n’gor Dak Lak. Ta rƀŭn nchră, ntoh măt ăp ntŭk kan lĕ mbơh an ăp nău tâm nchră, dăn đă nău kan, trong mkra mpeh tâm nău kan, tâm ntŭk kan nơm uănh nđôi gay ntop kơl doanh nghiệp.

Tâm nĕ geh ăp trong mkra kơt: Koh n’hŭch prăk an doanh nghiệp, n’hao dơi gĭt ăp tơm prăk kơl an; mkra jêh nău wăk kol an manh, kơl doanh nghiệp pơk hvi ntŭk tăch rgâl; nta an đăp mpăn nău kan an nuĭh pah kan. Bah meng nĕ, Rgum nchră hôm rgum tâm rgâl, tâm nchră mpeh trong mkra gay ntop kơl doanh nghiệp rgâl mĭn ƀư mhe, n’hao săk geh uĕh ndơ, ndoh ndơ; ntrôl rgâl mrô tâm doanh nghiệp n’hanh hun hao doanh nghiệp; ntop kơl têh jêng n’hanh hun hap ăp trong tâm rgop nkra njêng, nkret njêng, tăch ndơ.