Trong kơl wăch rgum nuĭh kan uĕh blău âk tâm 12 trong kan khlay, geh tuch tăm dŏng công nghệ mhe, công nghiệp nkret njêng, ŭnh nar sĭt jêng tay, logistics, pâl nđaih, ntĭm nti, prăk kaih, khoa học công nghệ, rgâl blău ƀư mhe n'hanh rgâl mbrô.

Đah nuĭh dơi săch lăp kan, wơt dơn lăp pah kan công chức, viên chức n'hanh ton pah kan đêt ngăn 7 năm, rnoh ntop kơl du tơ̆ bôk năp dơi ntrŭnh bah 500 rkeh prăk đah nuĭh geh bằng đại học, 700 rkeh prăk đah thạc sĩ, 1 rmen prăk đah tiến sĩ, 1,5 rmen prăk đah phó giáo sư n'hanh 2 rmen prăk đah giáo sư. Wa Trương Ngọc Tuấn, Giám đốc N’gâng kan Nội vụ Dak Lak an gĭt trong kơl dơi mpŏng rgop n'hao săk blău tơm nuĭh kan, tŏng đah nău ŭch geh hun hao wăng sa - rêh jêng kon nuĭh bah n'gor Dak Lak tâm rơh mhe.