Ủy viên Bộ Chính trị, Kruanh Ban Tuyên giáo Trung ương Trịnh Văn Quyết râng n'hanh ntoh ngơi ta rơh ƀư. Bah năm 1946 tât năm 1965, Kruanh Hồ Chí Minh lĕ 11 tơ̆ sĭt khâl n'hanh pah kan đah Đảng bộ, n'gâng kan, tahen n'hanh ƀon lan nkual ƀon têh.

Ăp nău ntĭm bah Wa jêng drăp ndơ nuih n'hâm khlay, rƀŏng trong an hun hao bah Hải Phòng rlău ăp rơh. Rnê ăp nău dơi geh nkual ƀon têh dơi geh, đồng chí Trịnh Văn Quyết dăn đă Hải Phòng sŏng dăng uănh năl, rgum dôh rklaih ăp ntŭk kŏ kol mpeh ntrơn du neh ntu, tu tơm nuĭh kan săk blău âk n'hanh rgâl ntrong ƀư hao jêng. Nkual ƀon têh ân tĭng ƀư jăp ăp nău dơn kan rgum tơm, tâm nê mât rnoh ngăch hun hao bar mbrô jŏ jong ntơm bah năm 2026 n'hanh ăp năm bah kơi nê; têk n'hao săk geh bah trong ƀư mha êng, ntrŭt ntrôl hun hao nsing tâm khoa học công nghệ, rgâl blău ƀư mhe n'hanh rgâl mbrô.