Tâm rgâl mpeh nău tâm boh bar ding, bar kruanh dơn saơ rlet rlau 55 năm ndâk nău tâm boh nchră nău, nău tâm boh tâm rnglăp n’hanh tâm boh Việt Nam - Đan Mạch nar lơn ma jru, ngăn; ăp nău kan tâm boh nar lơn ma âk ntil, geh nsum ma ăp nău ŭch hun hao bah bar dak.

Bar hê nuĭh kruanh tâm ban ŭch mbơh tơih nău mbơh nsum n'hao nău tâm boh kan Việt Nam - Đan Mạch hao kan ndrel lĕ rngôch, pơk tay bôk nău kan mhe tâm nău tâm boh bar ding, njêng nău kan chính trị n'hanh nău nsrôih mhe ntrôl tâm kơl têh dăng, ngăn ngên n'hanh săk rnglăy, yor nău geh jŏ jong bâh ƀon lan bar dak. Mpeh tâm kơl âk ding, bar hê nuĭh leo kan tâm mbơh nău mĭn mpeh ăp nău lam ntur neh n'hanh ta nkual; tâm ban ŭch n'hao nău tâm rgop, tâm kơl ndrel ta Liên hợp quốc n'hanh ăp rơh tâm mâp âk ding, n'hao nău kan âk ding n'hanh tâm ryơk luật pháp lam ntur neh; ntrôl nău tâm boh ASEAN - EU hun hao ngăn ngên, săk rnglăy.