Dak Lak aƀaơ geh rlău 217.600 ha cà phê n’hanh bơi 33.800 ha cao su. Nău mât nkual tăm, năl tơm luh ndơ geh ƀư n’hanh mât kân geh ma nău tât roh bri geh nkô̆ hôr khlay đah nău dơi mât ntŭk tăch n’gluh bah bar ntil ndơ tăch tơm dja.

Aƀaơ n’gor an ƀư ăp kôp ăp nău kan, ntơm bah rdâk njêng rgum prăp nău lư, ra uănh nău lư nkual tăm tât n’hao nău gĭt êng n’hanh nău dơi tĭng ƀư bah doanh nghiệp, hợp tác xã, nuĭh ƀon lan. Sở Khoa học n’hanh Công nghệ Dak Lak dơi jao rdâk njêng, mât uănh n’hanh n’glăp dŏng ntŭk rgum mât prăp nău lư, rhŏ dŏng nău đă ƀư khăch khoch bah Liên minh châu Âu. Sở Nông nghiệp n’hanh Môi trường n’gor Dak Lak geh nău dơn kan njêng Rmôt pah kan EUDR gưl n’gor gay kan nsum an ƀư ăp nău dơn kan. N’gâng kan ăp xã, phường ntrôl dăng nkoch trêng, ntĭm nti nuĭh ƀon lan; ra uănh, năl ngăn nău lư mpeh tơm nuĭh tăm, ntŭk tăm n’hanh nău ngăn geh dŏng neh ta n’gor. Aơ lah ntŭk nsing khlay gay n’hao rnoh nsing nơm bah rgum nchih nău lư nkual tăm, dŏng an tâm rđĭl đah nău lư địa chính n’hanh rgum mât prăp nău lư bri.