Rmôt gŭ mĭn geh 17 nuĭh lah ntơh măt ăp n’gâng kan, nsum mpôl n’hanh cán bộ way blău kan, geh nău dơn kan ra uănh, kơi ntop, wat jêh nchih săk tahen ơm khĭt; njêng jêng hồ sơ tahen ơm khĭt, môch tahen ơm khĭt; rgum lĕ lôch jêh n’glôch jêh ta ntŭk n’hanh rdâk njêng bản đồ rgum, joi nting tahen ơm khĭt. Lơn lah, rmôt mbra wơt dơn, gŭ mĭn, tâm rđĭl ăp tơm nău lư tă bah ăp nuĭh, ăp mpôl mbơh, rgum tâm ăp nău lư geh tât môch mpôl. Nsing ta nê, mpôl kan hăn uănh năl di, tâm nchră, n’glôch jêh nău lư, ƀư ndơ nsing an rgum, joi nting tahen ơm khĭt.   

Tĭng ƀư “Trong kan 500 nar măng”, tât aƀaơ lam n’gor Gia Lai hŏ ƀư lôch jêh sŏk ntil nting ta 119 môch tahen ơm khĭt, đah rlău 7.800 ntil nting hôm tŏng geh nău dơi uănh năl ADN. Mpôl kan dơi kan hŏ rgum 63 nting tahen ơm khĭt. Aƀaơ ăp mpôl tahen n’gor Gia Lai dôl nsrôih rgum joi tay ăp nting tahen ơm khĭt hôm gŭ tay ta ăp ntŭk tâm lơh tâm su kăl e.