Nar dơn Huy hiệu 55 năm Đảng, wa Nguyễn Hữu Quyền, ta tổ dân phố 5 Tân Thành, phường Buôn Ma Thuột, mô mpôn nău rngot rhơn rnôk nkah gĭt mpeh ăp năm khay tâm lơh. Năm 1970, păng lăp tâm ntŭk tâm lơh n'hanh dơi kơp dơn lăp Đảng tâm nklang bri n'ho ta neh Campuchia. Knŭng bar pe nar bah kơi, nuĭh ndrel mpôl lĕ mbơh păng lăp Đảng lĕ khĭt. Nău ton bah nuĭh đảng viên rnôk nê nơh đah ntŭk tâm lơh, đah băl mpôl n'hanh đah nău kan tâm lơh. Jêh tâm lơh, wa Quyền tât râng tay pah kan nklăp 40 năm. Rlu tă bah năm 2008, wa hôm e râng nău kan ta ntŭk, geh 4 rơh ƀư Groi Bí thư chi bộ n'hanh âk năm ƀư Chi hội trưởng Nuĭh âk năm deh. Ta năm rlău 80, wa Quyền an lah, rlu pah kan mô di lah rlu nău kan; nuĭh đảng viên, rnôk hôm e n'hâm soan n'hanh nău dơi, hôm e an ntik n'hao nău khlay kan, nău dơn kan đah rmôt kan n'hanh nsum mpôl."Tĭng Đảng, rklaih luh rnoi nuĭh n'hanh lĕ geh nău rêh đăp mpăn, dah rŏng. Nê lah nău rhơn n'hao têh ngăn. Ta nâm nău rđău kan bah Đảng, rơh kơn aƀaơ nchiăr nti tay, nđơn tay gay ƀư mhâm ƀư dơi nău way ơm bah Đảng gay rdâk njêng neh dak he tĭng Nau ntrŭnh Đại hội 14 bah Đảng n'gluh an lah tât năm 2045 neh dak mbra jêng du neh dak hun hao".

Lah nău ton bah wa Nguyễn Hữu Quyền dơi nchih nkah ta nkual tâm lơh tâm su, rĭ nău nsing nơm bah đảng viên Y Hạ Niê Kdăm, ta tổ dân phố 2 Tân Tiến, phường Buôn Ma Thuột, dơi ntô̆ n'hao bah ăp năm khay rgum hăn tât Bắc rnôk mhe 8 năm deh.

Bah năm 1955, wa Y Hạ Niê Kđăm dơi nti ta Ngih săm ƀŭt Dân tộc Trung ương n'hanh tă 3 tơ̆ mâp wa Hồ. Bah kơi aơ, wa ƀư nuĭh way kan ta Campuchia, plơ̆ sĭt đah âk năm đah ntĭm nti phổ thông n'hanh nău kan gŭ mĭn ntĭm nti sinh dân tộc ta Dak Lak. Tĭng ăp ntŭk pah kan, wa Y Hạ Niê Kdăm nkah lah ma săk nơm mât uĕh nuih n'hâm bah nuĭh đảng viên n'hanh ntĭm nti nuih n'hâm an rơh bah kơi. "Tâm rơh mhe, rach năm mhe, đah đảng viên ân nsrôih tĭng nău mĭn bah Đảng. Nsrôih mât uĕh nuih n'hâm bah nuĭh cộng sản, nuĭh đảng viên bah Đảng".

Ăp nău nkoch bah wa Nguyễn Hữu Quyền, Y Hạ Niê Kdăm ân saơ, đah âk đảng viên âk năm deh, năm deh dơi ƀư rgâl ntŭk gŭ, nău kan, yơn mô ƀư roh nău dơn kan đah mpôl kan n'hanh nsum mpôl.

Nau ntrŭnh mrô 21 bah Rnâng kan rđau kan Trung ương Đảng gưl XIII lơ 16/6/2022 uănh năl mpôl đảng viên lah nuĭh khlay leo trong lor tâm nau kan, suan rlăch ndăng bah ntŭk kan bah dâng; đă ăp đảng viên nsôih nchiăr nti êng, hăn lor, ntĭm leo, mât uĕh nuih n'hâm n'hanh ƀư tĭng nău ton rnôk lăp Đảng.

Đah đảng viên rlu ranh, rnôk hôm e n'hâm soan, nău blău n'hanh nău tă ơm gĭt kan, nău ntik n'hao nău khlay kan mbra ntơm bah ăp nău dŭt dăch dêh: râng tâm nău rêh jêng, rgop nău kan ta nkual ƀon lan gŭ, rgŏ jă nuĭh ƀon lan tĭng jăp nău ntrŭnh, nău kơl, mô lah trêng nti tay nău tă ơm gĭt kan an rơh kơn mom ndăm.

Ăp nău rgop nĕ mô mpôn, yơn lah trong ƀư nuĭh đảng viên tiăr nti mât nău ton đah Đảng tâm nău rêh ăp nar. Wa Tào Thị Nga, pah kan ntŭk kan Viện Kiểm sát ƀon lan n'gor Dak Lak, mĭn lah nău hăn lor bôk năp, ntĭt leo lor ân ntơm bah nău mât di nău ton đah Đảng n'hanh ƀon lan.“Gâp mô dơi chuêl rnôk dâk ta nâm n'ha cờ bah Đảng gâp nsrôih an neh dak, an nuĭh ƀon lan, an Đảng. 45 năm rlău aơ, nău mĭn bah nuĭh đảng viên kơt mpôl hên ân nsrôih tiăr nti n'hanh lah ntŭk nsing gay rơh kơn bah kơi nsrôih tĭng nti, nsan hao ngăch đah rơh mhe, tâm di gay neh dak nơm nsan hao tâm rach năm mhe”.

Tâm rơh tâm lơh tâm su, nău dơn kan bah nuĭh đảng viên dơi ntŭl rlong mât njrăng bri dak. Tâm rnôk đăp mpăn, nău hăn lor, leo trong dơi mpơl bah ăp nău ƀư dăch dêh đah nău rêh: lah hăn ndrel đah ƀư, dăch dêh ƀon lan n'hanh dơn kan đah nsum mpôl.

Nău ntrŭnh 21 bah Ban Chấp hành Trung ương Đảng gưl XIII ndơ̆ nău ŭch rŏng n'hao săk blău rmôt đảng viên hăn ndrel đah nchiăr nti, hăn lor, ntĭt leo n'hanh mât tâm boh dăch dêh đah ƀon lan. N'glôn jêh mrô 58 nar 26/6/2026 bah Bộ Chính trị gưl XIV tĭng ƀư tay nau ntrŭnh mrô 21, lah rjăp rdâk njêng rmôt đảng viên tŏng đah nău ŭch geh tâm nô nău mhe.

Đah ăp đảng viên âk năm deh ta Dak Lak, nău ton đah Đảng dơi krêp dêh đah ăp nău kan na nê̆, bah rơh rƀŭn rgum chi bộ, rgop nău nsum tât trêng nti nău blău an rơh druh ndăm./.