Tâm mông nar dêh bên, bar ding ndrel rgum nkah tay ăp hun hao khlay tâm trong an ƀư geh nău dơi bah Rơh hop lor bôk năp Ủy ban tâm boh đah Quốc hội Việt Nam n’hanh Nhân đại lam dak Trung Quốc (8/2025).

Gay ƀư jru hvi tay tâm boh bar dak let năp tay, Kruanh Quốc hội Trần Thanh Mẫn n’hanh Ủy viên trưởng Triệu Lạc Tế tâm ban ŭch bar ding tâm khâl gưl têh, njêng jâng nsing chính trị nâp lơn an tâm boh ta ăp trong kan; jêng prêh mhe an tâm boh ngăn ngăn bar ding, lơn lah ntrŭt ntrôl tâm boh tăch rgâl hun hao tâm ban, jŏ jong lơn, ntuh kơl săk geh âk, buăt nthoi trong loih ăp kôp, têh uĕh mhe, ntrôl ngăch tâm boh khoa học công nghệ; mô rlu rdâk nâp jâng nsing rêh jêng kon nuĭh dơh uĕh an tâm boh bar dak, n’hao dăng tâm boh ta ntŭk, tâm nđŭr ƀon lan, tâm boh ntĭm nti, văn hóa, pâl nđaih; kan nsum âk ding lhăt lơn; ndrel mât njrăng geh nău tam trong n’har bri neh kơh n’hanh mât kân n’hanh nkra uĕh lơn nău hôm êng êng, đăp mpăn, bah tâm lơh ta dak lêng.