Lah ta rơh mâp măt, Tổng Bí thư, Kruanh dak Tô Lâm mpơl nău rhơn mâp ăp doanh nhân ntoh lư, ntơh măt an mpôl doanh nghiệp Việt Nam. Ntơh măt kruanh Đảng, Ngih dak, Tổng Bí thư, Kruanh dak njuăl tât ăp rơh kơn doanh nhân tâm dak, dak bah dih n’hanh ăp nuĭh ntuh kơl dak bah dih dôl ndrel hăn đah Việt Nam nău ôp khâl dêh bên, nău mbah rhơn dŭt uĕh lăng.

Tổng Bí thư, Kruanh dak lah rjăp, Đảng, Ngih dak uănh khlay nău n’groh an, mât njrăng nău dơi n’hanh nău geh tâm di, nta trong dơh gay doanh nhân ntik n’hao nău gĭt blău, ƀư geh ndrŏng tâm di. Tổng Bí thư, Kruanh dak ŭch rŏng ăp doanh nhân mât mêr nău mĭn têh, nâp nuih n’hâm rdâk njêng doanh nghiệp, săk ntơ lư ma săk kah nâp uĕh ndơ ƀư, nău geh dăng n’hanh nău nsing nơm, nsĭt tay nău n’hao êng săk an Việt Nam. Tât năm 2045, rnôk neh dak di du rôk năm đăp mpăn, he mpŏng n’hao êng săk mpeh du Việt Nam hun hao, đah ăp doanh nghiệp nâp dăng..