Nar 12/2, Ban Chấp hành Đảng bộ n’gor Dak Lak ƀư tâm nchră tâl 29 (pơk hvi). Nkô̆ rgum tơm bah tâm nchră lah rgâl di tay Ban thường vụ Tỉnh ủy, tĭng ƀư dăp rgum, glêh tam nuĭh kan tâm lam trong kan chính trị.

Tĭng nê, Tâm nchră, mĭn uănh siƀŭt rblang dăn bah Ban thường vụ Tỉnh ủy mpeh nău rgâl di tay Ban thường vụ Tỉnh ủy Dak Lak năm kan 2020 - 2025, Đề án dăp rgum tay lam lĕ rngôch, tâm pă ntŭk kan cán bộ mpeh săk Ban thường vụ Tỉnh ủy mât bah ăp nhih pah kan đơn vị lôch dăp rgum, glêh tam nuĭh kan tâm lam trong kan chính trị bah n’gor. Ta tâm nchră, ăp đại biểu tâm nchră mpeh Đề án kơi ntop trong nchrăp hun hao wăng sa- rêh jêng kon nuĭh năm 2025, đah nău ŭch tât rnoh hun hao rlău 8% n’hanh nsĭt geh prăk ngân sách ngih dak hao dŭt đêt 10% rđĭl đah năm 2024; Đề án dŭt jêh nău kan bah ăp đảng đoàn, ban cán sự đảng, Ban Mât njrăng n’hâm suan cán bộ n’gor, Đảng bộ Khối ăp nhih pah kan n’hanh doanh nghiệp n’gor; tâm nchră mpeh nău njêng Đảng bộ ăp nhih pah kan n’hanh doanh nghiệp n’gor, Đảng bộ ăp nhih pah kan Đảng n’gor n’hanh Đảng bộ UBND n’gor mpeh Tỉnh ủy.