Tĭng nău ntrŭnh bâh Ban Chấp hành Đảng bộ n'gor Dak Lak, Đảng bộ Ủy ban Mặt trận Tổ quốc n'hanh ăp mpôl kan n'gor Dak Lak geh 9 ntŭk kan đảng mpeh tâm nĕ, đah 315 đảng viên. Ban Thường vụ N'gor ủy ntĭm đă wa Y Giang Gry Niê Knơng, Groi Bí thư N'gor ủy, kruanh Ủy ban Mặt trận Tổ quốc Việt Nam n'gor, mât ƀư Bí thư Đảng ủy năm kan 2025-2030.

Đảng bộ Hội đồng Nhân dân n'gor Dak Lak geh 4 ntŭk kan đảng tâm dâng, đah 60 đảng viên. Wa Cao Thị Hòa An, Groi Bí thư Rnâng kan N'gor ủy, Kruanh HĐND n'gor, dơi đă ƀư Bí thư Đảng ủy Hội đồng Nhân dân n'gor năm kan 2025-2030. Ndrel đah nĕ, Ban Chấp hành Đảng bộ n'gor Dak Lak ntrŭnh rgâl săk Ban Tuyên giáo n'hanh Dân vận N'gor ủy jêng Ban Tuyên giáo N'gor ủy; nău kan mbơh tơih mpeh nău kan dân vận geh rgâl tât Đảng ủy Ủy ban Mặt trận Tổ quốc n'hanh ăp mpôl kan n'gor. Bar đảng bộ mhe ndăn ngăch ƀư lôch jêh nău way pah kan, tâm pă nău kan na nê̆, đăp mpăn ntŭk kan n'hanh nău kan ƀĭt joet na nao  n'hanh đăp mpăn nău ndơn tay.