Kêng măng 13/9, Trung ương Đoàn TNCS Hồ Chí Minh ƀư tâm nchră groi nđôi nău an tĭng ƀư Luật druh ndăm năm 2020 n’hanh nchrăp trong jong hun hao druh ndămn Việt Nam lvang năm 2021 – 2030 ta Dak  Lak. N’gor Dak Lak aƀaơ geh nklăp 460 rbăn druh ndăm ntơm bah 16 – 30 năm deh, tâm nê geh rlău 116 rbăn druh ndăm rnoi mpôl đê̆. Ntơm bah bôk năm 2021 tât aƀaơ, n’gor hŏ nta joi nău kan an bơi 61.000 druh ndăm; ntop kơl rlău 10.200 druh ndăm manh tơm prăk; ntĭm nti nău kan an rlău 1.000 tahen mhe sĭt.

Ta tâm nchră,  mpôl pah kan hŏ tâm ôp, rgop nău ăp trong nkra bah n’gor tâm nău tĭng ƀư Luật druh ndăm n’hanh nchrăp trong jong hun hao druh ndăm tâm bah ri aơ. Tâm nê rgum tâm du đêt nkô̆ kơt: pah kan nsum bah UBND n’gor, ăp n’gâng kan đah Đoàn druh ndăm; nău khlay kan bah n’gâng kan ăp gưl đah pah kan druh ndăm. Nkô̆ nău ntĭm nti nău kan, nta joi  nău kan, ntop kơl joi geh trong rêh an druh ndăm lôch sĭt ƀư tahen. Pah kan mbơh nti, rƀŏng trong, trêng nău nđơr an druh ndăm; mât ŭanh khlay nta joi nău kan n’hanh ntơm njêng nău kan an druh ndăm./.