N’gâng kan ntĭm nti n’gor Dak Lak dôl nsrôih mbơh ƀư kơt dŏng rgâl mrô n’hanh nău mĭn bôk rngok (AI) lăp dŏng ntĭm nti n’hanh mât uănh ntĭm nti. Tĭng bôk nău rgop an tâm nchră “N’hao kơt dŏng công nghệ thông tin n’hanh rgâl mrô tâm ntĭm nti lvang 2022-2025, rƀŏng tât năm 2030 ta lam n’gor Dak Lak”, năm 2025, lĕ rngôch ăp ntŭk ntĭm nti ta lam n’gor ndâk ƀư n’hanh kơt dŏng săk rnglăy ntŭk nti trực tuyến, kơt dŏng công nghệ thông tin tâm rgâl mhe trong ntĭm nti n’hanh uănh nđôi uănh lah.

Nkô̆ nău ntĭm nti phổ thông dơi mbơh ƀư tĭng trong trực tuyến rĭng geh 5% ta gưl tiểu học, 10% ta gưl trung học. Ƀư tĭng bôk nău rgop tâm nchră aơ, aƀaơ nău kan ntĭm nti Dak Lak lĕ ƀư n’hanh dŏng geh săk rnglăy cơ sở dữ liệu mpeh ntĭm nti mầm non, ntĭm nti phổ thông n’hanh ntĭm nti thường xuyên; Mbơh ƀư boăt nthoi 2 dữ liệu ăp trong tơm thông tin êng tâm cơ sở dự liệu nău kan; Ntrôl dăng kơt dŏng công nghệ thông tin tâm ăp ngih sam ƀŭt mpeh rgâl mhe trong ntĭm nti, tâm rlong n’hanh uănh nđôi uănh lah tay, trong ntĭm nti cán bộ mât uănh, nai, trong kan săch nti.