Tĭng nău mbơh bâh ntŭk kan mât uănh ntung trong n’gor Dak Nông, rơh mih dak buk dŭt khay 7, bôk khay 8 mhe nơh lĕ ƀư khuch âk 2 ntŭk trong hăn dŭt khlăy ta n’gor geh 300m trong Hồ Chí Minh hăn let phường Nghĩa Thành, nkuăl ƀon têh Gia Nghĩa, 850m n’gor lộ 1 ta xã Quảng Tâm, nkuăl Tuy Đức. Lĕ 2 trong hăn bâh 2 nău kan lĕ rluh rlâm âk.

UBND n’gor Dak Nông lĕ geh mbơh nău ndal mpeh mih sial ta 2 trong hăn, ntĭm đă ăp ntŭk kan têh bâh n’gor ơm ndâk nsơm, ndơ̆ nău kan plơ̆ tay kơt ơm hăn nsong. Yơn lah, nău ndâk nsơm bâh ăp nău kan aơ aƀaơ dôl geh mâp âk nău jêr, ngăn lah ê hŏ geh gĭt rnph prăk gay ma nkra mhe. Tĭng nău kơp bôk năp, an geh klâp ma 300 rmen prăk gay ma nkra nsơm, nkra mhe 2 nău kan aơ. Tâm nĕ, n’gor dôl dăn đă Trung ương kơl an 150 rmen prăk bâh tơm prăk njrăng rdâng nău tât mih sial gay ma nkra tay nău tât bâh mih sial gay ma ƀư ueh trong lộ 1. Đah trong Hồ Chí Minh, n’gor dôl dăn nău tâm rgop n’gâng kan mât uănh ntung trong mpeh uănh năl rnoh prăk tâm ban kơt trong ndâk nsơm, nkra mhe.