Nar 10/2, Tỉnh ủy Dak Nông ƀư Tâm nchră mbơh ăp nău n’glêh an mpeh pah kan cán bộ. Đah nuih n’hâm ndăn ngăch, răp jăp, n’gor Dak Nông mpeh rmôt geh mbơm oi tâm lam dak mpeh dăp rgum, glêh tam nuĭh kan. Tĭng nê, Ban Chấp hành Đảng bộ n’gor Dak Nông n’glêh an n’glăp dơn ngoăy Ban Tuyên giáo Tỉnh ủy n’hanh Dân vận Tỉnh ủy jêng Ban Tuyên giáo n’hanh Dân vận Tỉnh ủy Dak Nông kơp ntơm bah nar 1/3. Wa Lê Văn Chiến dơi tâm pă ƀư, ntăm n’hao ƀư Kruanh ban.

Ndrel đah nău dŭt jêh nău kan bah Đảng bộ Khối Ăp nhih  pah kan n’hanh Doanh nghiệp, n’gor Dak Nông njêng Đảng bộ Ăp nhih pah kan Đảng n’gor Dak Nông n’hanh Đảng bộ UBND n’gor Dak Nông. Wa Lưu Văn Trung, Groi Bí thư Rnâng kan Tỉnh ủy, Kruanh HĐND n’gor dơi đă ƀư Bí thư Đảng ủy Ăp nhih pah kan Đảng n’gor Dak Nông. Wa Hồ Văn Mười, Kruanh  UBND n’gor đă ƀư Bí thư Đảng ủy UBND n’gor Dak Nông. Ban Thường vụ Tỉnh ủy Dak Nông n’glêh an rgum  n’hao wa Nguyễn Thị Thu Hường, Giám đốc Sở Nội vụ ƀư Groi kruanh Ban Tổ chức Tỉnh ủy ntơm bah nar 15/2/2025. Rgum n’hao wa Đỗ Tấn Sương – Kruanh UBND nkual ƀon têh Gia Nghĩa tât dơn nău kan ta Sở Nội vụ gay UBND n’gor Dak Nông ntăm n’hao ƀư Giám đốc sở.