Ta rơh hop way nkô̆ tâl 13, ƀư ôi 28/2, HĐND n’gor Dak Nông hŏ n’gluh an dŏng 9 nghị quyết, tĭng ƀư nău n’glăp, njêng mhe du đêt sở, n’gâng kan way kan mpeh UBND n’gor. Na nê̆, HĐND n’gor Dak Nông hŏ n’glêh an dăn đă mpeh nău n’glăp, njêng mhe du đêt n’gâng kan: N’glăp dơn ngoăy Sở thông tin truyền thông đah Sở Khoa học công nghệ jêng Sở Khoa học n’hanh Công nghệ. N’glăp dơn ngoăy Sở nội vụ đah Sở Lao động thương binh xã hội jêng Sở Nội vụ.

N’glăp dơn ngoăy Sở Xây dựng đah Sở Giao thông vận tải jêng Sở Xây dựng. N’glăp dơn ngoăy Sở Tài chính đah Sở Kế hoạch đầu tư jêng Sở Tài chính. N’glăp dơn ngoăy Sở Nông nghiệp phát triển nông thôn đah Sở Tài nguyên môi trường jêng Sở Nông nghiệp n’hanh môi trường. Njêng Sở dân tộc n’hanh tôn giáo nsing ta Ban dân tộc n’gor dơn lăp lĕ ma Ban tôn giáo bah Sở Nội vụ. Ndrĭ, rnoh âk nhih pah kan way kan mpeh UBND n’gor Dak Nông hŏ hŭch ntơm bah 18 jŭr hôm  14 nhih pah kan. Ta rơh hop đŏng, HĐND n’gor Dak Nông hŏ tâm ban ŭch rgâl rnoh tât geh hun hao GRDP năm 2025 geh 8,11% (rnoh ơm lah 6,84%).