Ôi 7/2, Tỉnh uỷ Dak Nông ƀư rơh mâp măt ăp đại biểu nuĭh gĭt blău, văn nghệ sĩ, nhà báo nkhêp geh năm mhe Ất Tỵ 2025 n’hanh nkhôm rnê ăp nău nchih dŭt uĕh blău mpeh nkô̆ “Kơt nti n’hanh ƀư tĭng nău mĭn, nuih  n’hâm uĕh lŏng, trong gŭ rêh Hồ Chí Minh”.

Ta rơh mâp măt kruanh Tỉnh ủy Dak Nông hŏ mbơh gĭt tât ăp nuĭh gĭt blău, văn nghệ sĩ, nhà báo mpeh ăp nău dơi ntoh lư bah n’gor ntơm bah bôk năm kan tât aƀaơ. Ntŭk ntuh kơl tăch rgâl dơi rgâl uĕh, rnoh nău dơi tâm rlong gưl n’gor hao gưl mbro; năm e nơh PCI Dak Nông dâk tâl 21/63 n’gor, nkual ƀon têh, dâk bôk năp nkual Tây Nguyên. Nkhêp geh rnôk dja, Tỉnh ủy Dak Nông hŏ nkhôm rnê 34 nău nchih rklă, nkơnh n’hơ ăp nău nchih văn học, nghệ thuật, báo chí đah nkô̆ “Kơt nti n’hanh ƀư tĭng nău mĭn, nuih  n’hâm uĕh lŏng, trong gŭ rêh Hồ Chí Minh” an ăp mpôl,  ăp nuĭh dŭt hăr blău. Tâm nê, ta ntil êng nuĭh, geh 4 nău nchih geh giải A, 5 nău nchih geh giải B, 8 nău nchih geh giải C n’hanh 12 nău nchih geh giải Khuyến khích.