Ôi nđaơ (17/10), ta Ntŭk kan Văn phòng Trung ương Đảng, Ủy viên Bộ chính trị, Rnâng kan Ban Bí thư, Kruanh Ban tổ chức Trung ương Trương Thị Mai, wơt Mpôl đại biểu lah cán bộ công đoàn ntoh lư, ntoh măt an ăp ntŭk kan têh mpeh tâm Quân ủy Trung ương-N’gâng kan mât njrăng bri dak. Ta nar wơt, ndơn măt kruanh Đảng, Ngih dak, Ủy viên Bộ chính trị, Rnâng kan Ban Bí thư, Kruanh Ban tổ chức Trung ương Trương Thị Mai rnê rhơn nău dơi geh bah công đoàn Tahen tâm âk năp bah năp.

Tâm năm tât, ndrel đah mât uănhg, n’hao uĕh trong kan ntĭm nti chính trị, nău mĭn, đồng chí Trương Thị Mai mpŏng Công đoàn Tahen ƀư uĕh tay ntrong leo tâm rlong Công đoàn Tahen, rgâl mhe mĭn ƀư mhe, tiăr nti săk soan, nău mĭn, tiăr nău kan nâp nâl, hun hao tâm di, di Tahen Wa Hồ; rơh rgŏ jă mât uĕh nău way ơm nsơr soan nău mĭn tâm di săk Tahen Wa Hồ đah ăp nău ƀư na nê̆ ngăn ngên săk rnglăy.