Gay ma dơi geh ăp nkô̆ mpŏng ngluh mbơh, ăp n’gâng kan ntŭk kan dăn đă mbơh tơih dâl bâh du đê̆ trong kan kơt: pă prăk lĕ rngôch rnoh nău nchrăp kan tơm prăk ntuh kơl nsum gleh nar lĕ nar geh pă jao, an geh mbơh tơih tay Nghị quyết 68 bâh n’gâng kan chính trị mpeh hun hao nău wăng sa kan êng, leo kan nău kơl mpeh prăk kaih leo kan, kan ueh di, ngăch ndăn, săk rnglăy, doh rklaih an ăp nău kan hôm nha kŏ khan, nsrôih tât lĕ năm 2025 ƀư lôch rlău 100 rbăn ngih jay gŭ an ntŭk rêh jêng, 3 rbăn km trong hăn têh, n’hanh dăn đă rgâl nkra ăp Luật, tâm nĕ geh Luật neh ntu...Nglôch lôch rƀŭn nchră, Thủ tướng mbơh na nê̆ 16 rmôt nău kan, trong kan tơm khlăy. Thủ tướng đă lĕ trong kan chính trị an geh lăp pah kan nsrôih đah nău nsrôih âk, nău nsrôih têh, pah kan răng dăng, săk rnglăy, pah kan an lôch ueh. Ngân hàng ngih dak ntĭm đă  đăp mpăn rnoh khlăy, nsrôih ƀư n’huch rnoh prăk kon, kơl pah kan jan sa tăch rgâl n’hanh nău rêh an ƀon lan. Ăp ntŭk n’hao tay lơn nău mĭn leo kan, mĭn kan, rgum jut jăng ngih rông mpông sat ta lam dak ta năp lơ 31/8.