Rgum chră đah bôk nău “Lơh dơi Tây Nguyên 1975 n’hanh n’gul rach năm ndâk njêng, hun hao Dak Lak” mbra ƀư lơ 5/3 ta nkual ƀon têh Buôn Ma Thuột, n’gor Dak Lak. Aơ lah nău mbơh ta rơh rƀŭn mbơh ôi 27/2 yor N’gâng kan mât njrăng bri dak tâm rgop đah n’gor ủy Dak Lak ƀư. Rgum nchră gay mĭn lah tay, ƀư jru tay mpeh rup ndah, nkô̆ nău bah Lơh dơi Tây Nguyên đah rơh tâm lơh tâm su mprưh Mỹ, kơl neh dak; joi luh nkô̆ nău dơi, rhoăt rgum ăp nău blău ơm gay kơt dŏng tay tâm nău ndâk njêng n’hanh mât njrăng neh dak aƀaơ.

Nkre, ƀư ntoh lư ăp nău dơi geh bah Đảng bộ, n’gâng kan ƀon lan n’hanh nuĭh ƀon lan ăp n’gor Tây Nguyên lah nsum n’hanh n’gor Dak Lak lah êng jêh 50 năm rgum bah nău jêh tâm lơh tâm su, mât uĕh nău khlay đăp mpăn n’hanh nuih n’hâm dŭt têh, nsrôih dơi bah nău dơi Tây Nguyên năm 1975 an ƀư tĭng nău rgâl mhe. Mât uĕh tay ndơ văn hóa rnoi nuĭh n’hanh ndơ dơi geh bah n’gor, rdâk hao nuih n’hâm n’hanh ŭch hao êng săk nơm tâm rach năm mhe bah rnoi nuĭh, ndâk njêng nkual têh Tây Nguyên n’hanh n’gor Dak Lak nar lơ ndrŏng, uĕh lăng mhe.