Ntơm bah khay 10/2023, Tổng công ty điện lực miền Trung mbra tĭng ƀư trong tor gĭt lor rgâl nar nchih mbrô công tơ tât nar kêng dŭt khay an ăp năch dŏng điện ta 13 n’gor, nkual ƀon têh nkual miền Trung – Tây Nguyên, nchrăp mbra ƀư lôch jêh 100% năch tâm năm 2024. Nău rgâl dơi tĭng ƀư nsing ta nău tâm ban ŭch, dơn ngoăy bah năch dŏng điện, ma nău tâm ton n’hanh tâm nkol tăch rvăt điện hŏ ký.

Tât aƀaơ, điện lực hŏ rgâl tâm nkol tăch rvăt điện tĭng trong ƀư điện tử an rlău 3,16 rkeh năch dŏng rêh. Nchrăp tâm năm 2023 mbra an ƀư rgâl nar nchih mbrô công tơ tât nar kêng dŭt khay an 2,6 rkeh năch dŏng. Nău rgâl nar nchih mbrô công tơ tât nar kêng dŭt khay gay n’hao kloh rvah, dơh wât tâm pah kan weh kơp điện năng, nchih rnoh mbrô n’hanh  ƀư njêng hoá đơn prăk điện. Tâm khay rgâl nar nchih mbrô công tơ, rnoh nar dŏng điện bah năch mbra hao âk lơn rđĭl đah ndrel khay dja bah năp nơh, tâm ban đah rnoh âk dŏng điện mbra huach roh âk lơn. Bol ma kơt nê̆, nău dja mô khuch tât nău dơi geh bah năch dŏng, rnoh n’glĕ dơi an dŏng điện, hoá đơn prăk điện bah năch dŏng nha hôm đăp mpăn tĭng di quy định n’hanh nău n’glêh an mpeh rnoh khlay điện dôl dŏng aƀaơ đŏng./.