Tĭng dăp rgum, đô thị Quy Nhơn geh rnoh hvi nklăp 1.191 km², lah 19 nhih pah kan, rnoh nuĭh nklăp 884.000 nuĭh. Quy Nhơn dơi rƀŏng jêng ntŭk rgum kan khoa học, rgâl blău ƀư mhe n’hanh trí tuệ nhân tạo geh nău têh tâm nkual n’hanh dak bah dih; hun hao nsing ta wăng sa dak lêng, công nghiệp công nghệ mhe, logistics n’hanh rhŏ dŏng săk tam âk.

Tâm rnôk nê, đô thị Pleiku geh rnoh hvi nklăp 1.263 km², lah 13 nhih pah kan, rnoh âk nuĭh nklăp 559.000 nuĭh. Pleiku dơi ntrŏng lah đô thị nklang nkual Tây Nguyên, bôk hun hao mpeh nhâp nar, mât nău khlay nthoi Tây Nguyên đah nkual dak lêng n’hanh ăp mpông n’har bri hăn dak bah dih. Pleiku mbra an ƀư tĭng trong âk bôk trong, âk soih aih, rgum tâm nău kan tuch tăm công nghệ mhe, công nghiệp nkret njêng jru, logistics, tăch rgâl- rhŏ dŏng n’hanh pâl nđaih bri dak, văn hóa. Lĕ bar đô thị dơi rƀŏng trong tât ăp rnoh di đô thị ntil II tâm năm 2050.