Nchrăp nar 13/2 tât, 17 nkuâl, thị xã, nkual ƀon têh n’gor Gia Lai mbra du rơh ƀư an bơi 2.900 druh ndăm hăn tahen. Tâm rnoh nê bơi 2.900 druh ndăm hăn ƀư tahen ta n’gor Gia Lai năm aơ, geh 2.400 nuĭh mbra hăn ƀư tahen ta ăp đơn vị kơt Quân đoàn 34, Quân khu 5, Quân chủng Phòng không - Không quân (Bộ Quốc phòng), Tahen n’har bri n’gor Gia Lai; n’hanh 469 druh ndăm mbra râng ƀư tahen ta ăp đơn vị mpeh Bộ Công an.

Dŭt njrăng khlay, tâm rơh hăn lăp tahen năm aơ, n’gor geh 36 druh ndăm lah đảng viên. Gay nchrăp an nar njŭn hăn tahen, ăp nkuâl tâm n’gor hŏ kan nsum đah ăp xã, thị trấn ƀư mâp măt, pă nklâm ndơ n’hanh rgŏ jă ăp rnăk geh oh kon sơch hăn tahen; nkre nkoch trêng mpeh Luật Nghĩa vụ quân sự, kơl n’hao nău gĭt êng bah nuĭh ƀon lan n’hanh druh ndăm tâm năm lăp hăn tahen.