Măng 2/10, 3 nŭih bu mom geh nkol tâm nklang dak hoch tâm xã Ia Blứ, nkuăl Chư Pưh, n’gor Gia Lai hŏ geh kơl an ueh, tât kơh. Ngăn lah, rnôk 2h kêng măng lơ 2/10, 4 nŭih bu mom hăn chră ndrôk, choat dak Thác 2, tâm xã Ia Blứ gay sĭt ngih. Rnôk tâm nklang dak, ri dak hao prêh thăng êng, du hê kon se geh năn hao kơh, hôm 3 kon se ri geh kol klơ lŭ tâm nklang trong dak hoch.

Jêh rnôk ndơn nau mbơh, rmôt hăn kơl an bah Công an n’gor Gia Lai geh 9 cán bộ, tahen ntrŭnh ƀư ăp nau kan gay ma kơl an, khân păng dŏng sre mpuăl hăn tât tâm nklang dak, kât rse tâm săk nŭih ndrel kât tâm săk kon se gay ma têk lăp tâm kơh, rnôk aơ hôm du hê kon se klach ir, mô janh hăn ri geh dak dê rdu, yơn lap lah jêh nê geh rmôt hăn kơl an dê tât re tĭng, kơl an năn. Tât 5h45 mnĭt kêng măng ndrel nar, lĕ 3 kon se hŏ geh kơl an lăp kơh đăp mpăn./.