Kêng măng 3/3, UBND n’gor Gia Lai ƀư tâm nchră mbơh ăp nău n’glêh an ntăm n’hao kruanh rđău kan sở, n’gâng kan lôch ƀư dăp rgum, dơn ngoăy nuĭh kan dja. Na nê̆, wa Nguyễn Trường Sơn, Giám đốc Sở Giao thông Vận tải, dơi ntăm n’hao ƀư Giám đốc Sở Xây dựng lôch n’glăp dơn ngoăy đah Sở Giao thông Vận tải. Ăp groi Giám đốc lah: wa Lý Tấn Toàn, wa Trần Đình Sơn, wa Hà Anh Thái.

Wa Đỗ Việt Hưng, Giám đốc ơm Sở Kế hoạch n’hanh Đầu tư, dơi ntăm n’hao ƀư Giám đốc Sở Tài chính lôch n’glăp dơn ngoăy đah Sở Tài chính. Wa Lưu Trung Nghĩa, Giám đốc ơm Sở Nông nghiệp n’hanh Phát triển Nông thôn, dơi ntăm n’hao ƀư Giám đốc Sở Nông nghiệp n’hanh Môi trường lôch n’glăp dơn ngoăy đah Sở Tài nguyên n’hanh Môi trường. Wa Nguyễn Bá Thạch dơi ntăm n’hao ƀư Giám đốc Sở Dân tộc n’hanh Tôn giáo. Nău dăp rgum, ntăm n’hao kruanh ăp sở, n’gâng kan ta n’gor Gia Lai gŭ tâm trong nchrăp glêh tam nuĭh kan, n’hao nău dơi tam kan, yach ngăch nău kan bah n’gâng kan ta ntŭk tĭng nuih n’hâm nghị quyết Trung ương.