Kruanh UBND n’gor Gia Lai Rah Lan Chung mhe ƀư tơm nar rƀŭn “cà phê doanh nhân” tâm ntŭk kan bah UBND n’gor. Ndrel râng nar tâm mâp ntoh măt ăp ntŭk kan ndrel Kruanh UBND n’gor Gia Lai, hôm geh ăp Groi Kruanh UBND n’gor, rđau kan du đê̆ ntŭk kan, geh tât. Ta aơ, wa Rah lan Chung ntoh nau ŭch nau kan “cà phê doanh nhân’ mra lah du trong tâm nchră sŏng kơl an n’gâng kan djăt nau đă, nkoch bah ăp ntŭk kan, tă bah nê năn doh rklaih ăp nau jêr tâm rnôk ƀư kan.

Tâm nau khuh răm, ntoh măt ăp ntŭk kan hŏ nkoch mbơh mpeh nau kan, nkre mbơh du du đê̆ nau jêr, nkol. Rđau kan n’gor ndrel ăp ntŭk kan, geh tât hŏ tâm nchră, kơp dơn. Rđau kan UBND n’gor Gia Lai ŭch nsum mpôl ntŭk kan lŏ hăn ndrel, nkoch mbơh nau, rgop tâm nau kan mhe, nsum ty ndâk njêng Gia Lai jêng ntŭk tât ntuh kơl, rgop nau ntrŭt dăng hun hao văng sa, rêh jêng. Tĭng nau nchră, nau kan “Cà phê doanh nhân” mra lŏ ƀư mro tâm ôi nar puăn ăp pơh./.