Yor geh nau khuch hô bah n’hach tâm Biển Đông, lơ 25/9, ta âk nkuăl bah n’gor Gia Lai geh mih têh. Gay n’huch rluh neh, dak lip băm yor mih dak lip, ăp nkual, nkual lah mpeh ba lơ, ba lơ ngăn bah n’gor dôl rgum ƀư nau nchrăp rdâng. Ăp nkuăl mpeh ba dâng ndrel ba dâng ngăn bah n’gor mra geh dak lip băm, dak rchoh, rluh neh tâm yôk prêh ndrel lip băm tâm nkual rđŭng, ngăn lah ăp nkuăl:

Nkuăl Kbang, nkuăl têh An Khê, nkuăl Đăk Đoan, nkuăl Mang Yang, Ia Grai, Chư Păh, nkuăl ƀon têh Pleiku, nkuăl Cư Prông, nkuăl Đức Cơ ntơm bah nar aơ tât ôi taơ, ăp nkual aơ lŏ geh mih bah găp ndrel n’hach, geh ntŭk mih têh. Gay ma nchrăp rdâng ndrel n’huch nau khuch, Rnâng kan hŏ rgum nau njrăng, rdâng nau tât khuch ndrel joi kơl an nŭih mâp khuch bah n’gor đă ăp ntŭk kan ntrŭnh leo rmôt hăn mêt uănh, kơp njrăng bah ăp nkuăl êp dak me, nkuăl rđŭng gay ma nchrăp ntrơn leo nŭih geh gŭ tâm nkual geh nau khuch hô mra geh dak lip, dak rchoh, rluh neh./.