Tâm rnôk hăn khâl ngăn dak Cộng hoà Mozambique, Groi Kruanh dak Võ Thị Ánh Xuân hŏ geh nar tâm mâp ma nŭih ƀon lan Việt Nam ta Mozambique. Ƀon lan nŭih Việt Nam ta Mozambique rnôk aơ geh nklăp 200 nŭih, rêh, pah kan tâm ăp nau kan tăch rgâl, viễn thông, ntĭm nti, dak si ndrel kon se, sinh viên. Groi Kruanh dak hŏ nkoch mbơh nau kan chính trị, văng sa, rêh jêng, nau ndâk jêng bah srê Covid-19 tâm dak rơh rlau aơ, mbơh nau tă geh bah rnôk hăn khâl Mozambique bah ăp nau.

Tâm nchră ma Thủ tướng Mozambique, tâm nchră Tổng thống ndrel Kruanh Quốc hội Mozambique, tâm mâp ma Tổng thư ký Đảng mât nau kan Frelimo, ntoh măt ntŭk kan tăch rgâl bah Mozambique. Groi Kruanh dak lah rjăp, Đảng, Ngih dak mro kơl an tâm ƀon lan Việt Nam tâm dak ba dih, tâm nê geh rnoi nơm tâm Mozambique, rnê prêh ƀon lan Việt Nam tâmMozambique mro tâm rnglăp, tâm dăch, tâm kơl tâm nau rêh, tâm rnglăp ma nau rêh tâm dak nê./.