Lơ 20/9, ta ntŭk kan Kruanh dak, Groi Kruanh dak Võ Thị Ánh Xuân mâp măt rmôt kan ntoh măt nŭih geh n’hâm ntoh lư bah n’gor An Giang di rnôk rmôt kan hăn khâl Thủ đô Hà Nội ndrel lăp Lăng chop Kruanh Hồ Chí Minh. Ntoh nau rhơn rnôk geh mâp ăp ntoh măt geh dơi kơl, Groi Kruanh dak Võ Thị Ánh Xuân lah rjăp, tâm lôch rơh rlau aơ, Đảng, Ngih dak năl nau kan mât chăm nŭih geh n’hâm đah cách mạng lah nau kan chính trị khlay, mro kơl an an ueh ngăn ân nau mât kơl an nŭih geh n’hâm ma cách mạng.

Groi Kruanh dak đă n’gor An Giang lŏ ƀư ueh nau dăng ndrel ndăl bah dih gay ma ƀư ueh ăp nau kan chính trị ma nau ntrŭnh Đại hội XI bah Đảng bộ n’gor nchrăp luh, hun hao văng sa, ntĭm nti, văn hoá gay nau rêh ƀon lan geh hơm răm, đăp mpăn, geh dơi hun hao beh neh dak, n’gor./.