Măng 18/10, ta nkuăl Kim Bội, n’gor Hoà Bình, Groi Kruanh dak Võ Thị Ánh xuân hŏ tât râng nar nkah 60 năm nar Wa Hồ tât khâl, pah kan đah nkuăl uỷ Kim Bôi (19/10) 65 năm nar ndâk nkuăl Kim Bôi (17/10) ndrel ndơn Huân chương Lao động hạng Pe. Ntoh nau tâm nar nkah, Groi Kruanh dak Võ Thị Ánh Xuân kơp dơn ndrel rnê ăp nau tă geh dơi, nau dơi ma Đảng bộ, n’gâng kan ndrel ƀon lan ăp rnoi bah n’gor Hoà Bình lah nsum ndrel nkuăl Kim Bôi lah êng hŏ dơi geh tâm rơh rlau aơ.

Groi Kruanh dak lah rjăp, rnôk aơ, lam dak nơm dôl rgum ntrŭnh ƀư nau dơi Nau ntrŭnh Đại hội XIII, nchrăp ân Đại hội ntoh măt lam dak tal XIV bah Đảng, du đại hội geh nau khlay kơt tâm nau ntoh ngơi lôch rơh rƀŭn Trung ương 10 mhe rlau, nkre nchrăp ueh ăp ntil gay ƀư dơi Đại hội Đảng bộ n’gor tal XVIII, nchrăp luh nau kan, ntrong ƀư hun hao ngăch, nâp nâl, ndâk n’gor Hoà Bình ơm jêng hun hao, tâm rmôt leo bôk tâm nkuăl trung du ndrel gôl yôk Bắc Bộ./.