Tâm nchră ntŭk ƀư nau kan tăch rgâl bah ăp tahen ơm ăp dak ASEAN tal bôk năp ƀư tâm ôi 25/10 ta Thủ đô Hà Nội. Groi Kruanh dak Võ Thị Ánh Xuân ndrel 200 ntoh măt tă bah 10 dak ASEAN râng. Tâm ăp năm êp aơ, âk dak kan nsum bah Liên đoàn ăp tahen ơm ASEAN hŏ dơi geh du đê̆ nau dơi kơl an tahen ơm ƀư nau kan văng sa, jut n’huch ach o, hao ƀư sâm geh tâm di.

Tâm nchră ntŭk kan tăch rgâl bah rmôt tahen ơm ASEAN ntơm njêng tă bah nau ŭch ntrŭt dăng tâm boh nau kan tăch rgâl ndrel njêng nau tâm nthoi đah ăp ntŭk kan tahen ơm tâm nkuăl ASEAN, mra leo tât ăp nau mhe ân ntŭk kan tăch rgâl bah tahen ơm tâm nau pơk hvi ntŭk tăch ndrel n’hao tâm nthoi. Nau tâm nchră ntŭk ƀư kan tăch rgâl bah tahen ơm ASEAN ŭch mra pơk luh âk nau tâm boh mhe, kơl an n’hao nau rêh ân tahen ơm ndrel rnăk vâl khân păng, nkra rgop nau tâm nau hun hao văng sa bah ăp dak kan nsum ASEAN./.