Ôi 21/9, ta Ntŭk Kruanh dak, Groi Kruanh dak Võ Thị Ánh Xuân lĕ ƀư tơm wơt Hoàng Thái tử Akishino n’hanh Công nương Nhật Bản hăn khâl na nê̆ Việt Nam. Jêh ƀư wơt, Groi Kruanh dak lĕ geh nar rgum nchră đah Hoàng Thái tử n’hanh Công nương. Tâm mông nar dăch dêh, Groi Kruanh dak Võ Thị Ánh Xuân nkoch nău răm rhơn dơi wơt Hoàng Thái tử n’hanh Công nương Nhật Bản khâl na nê̆ Việt Nam di tâm rơh 2 dak nkah gĭt 50 năm ndâk njêng tâm boh tâm rnglăp 21/9/1973-21/9/2023);

nkoch nău nsing nơm rơh khâl bah Hoàng Thái tử n’hanh Công nương mbra du nău uĕh khlay n’glơi an, rgop n’hao tâm wât n’hanh nău rŏng đah nuĭh ƀon lan 2 dak, tă bah nĕ hun hao lơn tay tâm boh kan ndrel jru hvi Việt Nam-Nhật Bản hao prêh mhe tâm năm tât. Hoàng Thái tử Akishino lah uĕh nău wơt têh, răm m’ak bah Kruanh n’hanh nuĭh ƀon lan Việt Nam; lah rjăp Việt Nam kan ndrel dăch dêh, nsing nơm n’hanh hăn ndrel bah Nhật Bản; mĭn lah mbra nsrôih yor nău tâm boh dăch dêh đah 2 dak tâm năm tât.