Dơn nău jă bah Thủ tướng dak Cộng hòa Mozambique Andriano Maleine, Groi Kruanh dak Võ Thị Ánh Xuân ndrel mpôl đại biểu gưl prêh Việt Nam khâl na nê̆ Cộng hòa Mozambique bah nar 10-13/9/2023. Ôi nar 11/9/2023 (tĭng mông ta ntŭk), ta Ntŭk Thủ tướng, 2 nuĭh kruanh lĕ rgum nchră na nê̆ tâm mông nar nsing nơm, rah rơih.

Groi Kruanh dak Võ Thị Ánh Xuân mĭn lah Việt Nam uănh khlay mrô tâm boh kan ndrel dăch dêh way ơm đah Mozambique, mĭn lah Mozambique lah ngoăy tâm âk dak kan ndrel khlay bah Việt Nam ta châu Phi. 2 kruanh mât uĕh tâm rgâl rmôt kan, tâm mâp gưl prêh, ngăn lah gưl prêh n’hanh lĕ rngôch ăp trong, Đảng, Ngih dak n’hanh Quốc hội. 2 ding tâm ban ŭch tay uănh lŏ mir, geh n’ăp mât rong tui ka lah nău kan kan ndrel khlay gay rgop đăp mpăn trong tâm pă ndơ n’hanh rnă njrăng ndơ sông sa lam ntŭr neh.