Măng 26/9, Groi Kruanh dak, Kruanh Tơm kơl an kon se Việt Nam Võ Thị Ánh Xuân hŏ tât râng măng bŏng khay, pă nklâm ndơ ân ăp kon se tâm nkuăl Ea Hleo, n’gor Dak Lak. Tâm nau khuh răm bah Tết Trung thu, Groi Kruanh dak Võ Thị Ánh Xuân ndrel rmôt hăn kan ndrel rđau kan bah n’gor Dak Lak hŏ râng ăp nau kan: hăn uănh, pâl ăp nau pâl ơm, ƀư lồng đèn, rước đèn, uănh njroh lân ndrel uănh ăp nau njroh mprơ ueh tâm măng bŏng khay.

Rơh aơ, Groi Kruanh dak Võ Thị Ánh Xuân pă 270 nklâm prăk, 120 bôk ndeh vah jâng ân kon se geh nau rêh jêr jŏt, du ngih ân kon se rêh kon đơi ndrel 1.500 nklâm ndơ đah rnoh rlau du rmen. Groi Kruanh dak ŭch, tâm rơh tât, ăp ntŭk kan, rmôt kan, đah nau kan n’hêl, ngăn, rgum nau lăp kan bah lam ntrong kan chính trị, nsum mpôl ntŭk kan tăch rgâl ndrel lam nau rêh jêng lŏ mât chăm, kơl an, năn bonh đă kon se nti geh nau rêh jêr jŏt ndrel uănh aơ lah nau kan tơm, jŏ jong./.