Tâm rnôk hăn khâl Sri Lanka, Groi Kruanh Quốc hội Nguyễn Đức Hải hŏ tât khâl nkuăl ƀon têh Kandy, n’gor Trung, Sri Lanka ndrel pah kan đah Kruanh n’gor Trung Sarath Abeykoon. Tâm rnôk mâp, Kruanh n’gor Sarath Abeykoon rnê prêh rơh khâl bah Groi Kruanh Quốc hội Nguyễn Đức Hải ndrel rmôt ntoh măt gưl prêh Quốc hội Việt Nam tât n’gor Trung, leo tât nau tâm boh ueh kŏ kơt lah pơk luh âk nau dơi tâm boh đah n’gor Trung bah Sri Lanka đah ăp n’gor bah Việt Nam. Groi Kruanh Quốc hội lah rjăp, tâm n’ur mpeh Phật giáo đah Việt Nam ndrel Sri Lanka hŏ geh tă bah jŏ.

Đah nau ntô̆ n’hao nau khlay đăp mpăn, mleh ueh, Phật giáo lah sre tâm nthoi kơl an nau tâm rŏng ndrel tâm boh đah ƀon lan bar dak Việt Nam ndrel Sri Lanka. Ân lah nkuăl ƀon tehe Kandy lah êng ndrel n’gor Trung Sri Lanka lah nsum geh âk nau dơi, nau dăng ndrel âk nau tâm kơt ma nkuăl mpeh Trung bah Việt Nam, Groi Kruanh Quốc hội đă Kruanh n’gor kơl an tâm boh boh, ký nau kan nsum, ndâk nau tâm rnglăp đah ăp n’gor mpeh Trung bah Việt Nam gay hun hao tâm boh văng sa, pâl n’aih ndrel tâm n’ur ƀon lan./.