Ôi 11/9, ta nkual ƀon têh Quy Nhơn, n’gor Bình Định, Groi kruanh Quốc hội Nguyễn Đức Hải tât râng n’hanh lah ta Tâm nchră “Khoa học yor bah tâm lơh tâm su”. Tâm nchră tă bah Ntŭk rgum kan Khoa học lam ntŭr neh n’hanh Ntĭm nti tâm rgop âk n’gâng kan ƀư nsum đah Liên minh Nghị viện lam ntŭr neh ƀư, đah nkô̆ “Rnă njrăng n’hanh roh suăt tơm dak: plơ̆ njêng tay nău rêh nsum bah tâm lơh tâm su đah khoa học".

Lah ta rnôk tâm nchră dja, wa Nguyễn Đức Hải, Groi Kruanh Quốc hội lah rjăp, Việt Nam hŏ geh âk trong nkra mât đăp mpăn tơm dak, uănh khlay tât ăp tŏng rêng pháp luật, tâm nê geh rlău 100 sibŭt mât bôk kan geh tât dak. Ta rơh hop tâl 6 tâm khay 10 tât,  Quốc hội mbra mĭn uănh, an dŏng Luật Tài nguyên dak (rgâl nkra) gay rgâl di lĕ rngôch mpeh tơm dak; nkre dôl rđău đă ăp nhih pah kan ôp ŭanh tay ăp tŏng lam lĕ rngôch ăp Luật geh tât gay đăp mpăn lôch rêh njêng pháp luật mpeh rnă ntêm tơm dak. Quốc hội Việt Nam hŏ lor nchrăp, nsrôih dăn đă ăp nău kan n’hanh râng trong kan mhe lam ntŭr neh bah Liên minh Nghị viện lam ntŭr neh./.